Үнэртнийг хэрхэн зөв түрхэх вэ?

Цус булгилж буй тэр газарт үнэр хамгийн илүү сайн сонсогддог:

бугуйны үе (даралт хэмждэг хэсэгт);
тохойны үе (дотор талд);
чихний ард;
Үс үнэрийг сайн хадгалдаг, ийм учраас хүзүү ба дагз руугаа шүршиж болно.

Төгсгөлд нь үнэртнийг дээш цацсанаар үүлэн дотор умбахыг зөвлөж байна.

Үнэрийг хэрхэн сонгох вэ?

Дүрэм 1. Олон үнэрийг нэг дор туршиж үзэх хэрэггүй. 3-4 үнэртэй танилцахад л хангалттай, ингэснээр та тэдгээрийг хооронд нь андуурч будилахгүй, тухайн үнэрийг мэдэрч таньдаг болно.

Дүрэм 2.Үнэртнийг шилэн савнаас таглаа руу нь бүү цац. Шууд сав болон тестерээс үнэрийг мэдрэх гэж бүү оролд. Түүнийг уудаг цаас эсвэл цэвэрхэн алчууран дээр түрхээрэй. Ийнхүү таалагдсан үнэрээ сонгосны дараа таны арьсан дээр хэрхэн «амьдарч»буйг мэдэхийн тулд арьсан дээрээ түрхээрэй. Нэг төрлийн үнэр нь танд болон таны найз бүсгүйд өөр өөрөөр үнэртэх болно

Дүрэм 3. Анхны сэтгэгдэлдээ хөтлөгдөөд үнэртнийг худалдан авч болохгүй. Хэсэг хугацаанд түүнийг мэдрэх гэж оролдоорой, зүрхэн үнэрийг хүлээ (15-30 минутын дараа). Хамгийн дэгдэмтгий дээд үнэрүүд ууршиж алга болсны дараа сонголтоо хийгээрэй. Учир нь, зүрхэн үнэр өдрийн туршид Таныг дагалдах болно.

Дүрэм 4. Цаг агаар, уур амьсгал ба нөхцөл байдлын хүчин зүйлүүдийг харгалзан үзээрэй. Хуурай хүйтэн агаартай харьцуулахад чийглэг дулаан агаарт үнэрүүд илүү хүчтэй тархдаг. Зөөлөн үнэрүүд хаа ч зохимжтой, тэгвэл хурц ханасан үнэрүүд нь офис эсвэл наранд шарлагын газарт төдийлөн зохимжтой биш. Харин романтик болзооны үеэр анхаарал татах болно.

Дүрэм 5. Үнэр сонгох үйл явцыг таашаал болгон хувиргаарай. Үнэрийг сонгох амар бус ажлын явцад сэтгэл санаа өөдрөг байх нь – хамгийн сайн зөвлөгч мөн.