Alcohol denat., Aqua, Parfum, Limonene, Linalool, Citronellol, Geraniol, Benzyl Alcohol, Isoeugenol, Citral.

Үнэртнийг хэрхэн зөв түрхэх вэ?

Цус булгилж буйтэр газарт үнэртэн илүү хүчтэй «сонсогддог»:

• бугуйнд (судасны цохилтыг хэмждэг газарт)
• тохойны үе (дотор тал);
• чихний ард;
• цээжний хонхорт.

Үсэнд сайн шингэдэг, ийм учраас хүзүү болон дагзандаа «түрхэж» болно.

Таны араас гоё сайхан үнэр «дагаасай» гэж хүсэж байгаа бол үнэртнийг өвдөгний дор, даашинзны дотор талд нь, хормойн хэсэгт нь цацаж түрхээрэй.

Төгсгөлд нь үнэртнийг дээш нь цацаж, энэ үүл рүү нэвтрэхийгзөвлөж байна.

Үнэрийг хэрхэн сонгох вэ?

Дүрэм 1. Нэг дор олон үнэрийг турших хэрэггүй. 3-4 үнэртэй эхлээд танилц, ингэсэн тохиолдолд Та тэдгээрийг хольж андуурахгүй бөгөөд үнэрийг ой тоондоо тогтоож чадна.

Дүрэм 2. Шилэн савнаас нь таглаа руу үнэртнийг битгий шүршээрэй. Шууд шилэн сав ба тестерийн савнаас үнэртэхгүй байх нь зүйтэй. Үнэрийг үнэр шингээгч цаас эсвэл цэвэрхэн алчууран дээр шингээж түрхээрэй. Ийм маягаар таалагдсан үнэрээ сонгоод түүнийгээ заавал арьсан дээрээ түрхэж үзэж, тухайн үнэр таны арьсан дээр хэрхэн «амьдарч» байгааг мэдэж аваарай. Танд болон таны найз бүсгүйд нэг ижил үнэр нь тэс өөрөөр мэдрэгдэж магадгүй шүү.

Дүрэм 3. Анх төрсөн сэтгэгдэлдээ захирагдан үнэртнийг худалдан авч болохгүй. Түүнийг хэсэг хугацаанд туршиж үз, зүрхэн үнэрийг хүлээ(15-30 мин.дараа). Хамгийн их замхардаг дээд үнэр нь арилсны дараа уг зүрхэн үнэр таныг өдрийн туршид дагалдах болно. Үүний дараа л сонголтоо хийгээрэй.

Дүрэм 4. Цаг агаар, нөхцөл байдлын хүчин зүйлүүдийг харгалзаж үзээрэй. Хуурай хүйтэн агаартай харьцуулахад чийглэг зөөлөн агаарт үнэр илүү эрчтэй тархдаг гэдгийг санаарай. Илүү хөнгөн үнэрүүд түгээмэл байдаг, харин хурц ханасан үнэрүүд нь ажлын байранд болон наранд шарлагын газарт зохимжгүй. Гэхдээ романтик болзооны үед ийм үнэрүүд анхаарал татна.

Дүрэм 5. Үнэр сонголтыг таашаалтай ажил болгоорой. Үнэр сонгох гэх мэт хялбар бус ажилд сэтгэл санаа өөдрөг байх нь – хамгийн сайн зөвлөгч.