Alcohol denat., Aqua, Parfum, Limonene, Geraniol, Citral, Linalool, Citronellol.

როგორ გამოვიყენოთ სუნამო სწორად?

არომატი საუკეთესოდ "ჟღერს" იქ, სადაც სისხლი პულსირებს:

• მაჯის სახსარი (სადაც ვზომავთ პულსს);
• იდაყვი (შიდა მხარე);
• ყურების უკან;
• ჩაღრმავება მკერდში.

თმა კარგად ინარჩუნებს სურნელს, ასე რომ თქვენ შეგიძლიათ "მოიფრქვიოთ" კისერი და თავის უკანა მხარე.

თუ ძალიან გსურთ, რომ თან დაგყვებოდეთ ლამაზი არომატული შლეიფი, შეისხურეთ მუხლის უკან ან კაბის ქვედა ნაკერზე შიდა მხარეს.

დასასრულს გირჩევთ გაასხუროთ არომატი ზევით და შეხვიდეთ ამ "ღრუბელში".

როგორ ავირჩიოთ სუნამო?

წესი 1. არ ღირს ბევრი სუნამოს გასინჯვა. გაეცანით 3-4 არომატს, ასეთ შემთხვევაში არ დაიბნევით და შეძლებთ სურნელის დამახსოვრებას.

წესი 2. არ შეასხუროთ არომატი თავსახურში. ეცადეთ არ იყნოსოთ არომატი პირდაპირ ფლაკონიდან ან სინჯიდან. დაასხით ბლოტერზე ან სუფთა ცხვირსახოცზე. შერჩეული არომატი აუცილებლად შეისხურეთ კანზე, იმისათვის რომ გაიგოთ როგორ "ცხოვრობს" ის თქვენს კანზე. თქვენს და თქვენს მეგობარზე ერთიდაიგივე სუნამო შეიძლება სულ სხვადასხვანაირად "ჟღერდეს".

წესი 3. არ შეიძინოთ არომატი სულ პირველი შთაბეჭდილებით. ცოტა გაისეირნეთ მასთან ერთად, დაელოდეთ გულის ნოტების გამჟღავნებას (15-30 წუთის შემდეგ), მას შემდეგ რაც ყველაზე ზედა ნოტები გაქრება, მხოლოდ ამის შემდეგ გააკეთეთ არჩევანი.

წესი 4. გაითვალისწინეთ ამინდი, კლიმატური და სიტუაციური ფაქტორები. გახსოვდეთ, რომ ტენიან ცხელ ჰაერში სურნელები უფრო ინტენსიურად ვრცელდება, ვიდრე ცივ და მშრალ ჰაერში. შედარებით მსუბუქი არომატები უნივერსალურები არიან, ხოლო ხასხასა და გაჯერებული კომპოზიციები ყოველთვის არ შეესაბამება ოფისს ან სანაპიროს. მაგრამ რომანტიკულ პაემანზე ისინი აუცილებლად მიიქცევენ ყურადღებას.

წესი 5. გადააქციეთ სუნამოს შერჩევა სიამოვნებად. კარგი განწყობა - თქვენი საუკეთესო მრჩეველია.