Сұрақ: Мен теледидардан парабендердің зиянды екенін, тіпті терінің қатерлі ісігін тудыратыны туралы білдім. Бірақ әр түрлі компаниялардың косметикалары салынған құтының барлығында дерлік олар бар. Олардың қауіпсіз екенін қалай түсіндіруге болады?

Сарапшының жауабы: Парабендер – бұл бензой қышқылының туындылары –қосылыстар тобы. Олар косметика мен тағамдық өнеркәсібінде консерванттар ретінде қолданылады.

Парабендердің антибактериалды және зеңге қарсы әсері бар. Іс жүзінде барлық микробтармен және өте ұсақ, микроскоптық зеңдердің барлығымен күресуге қабілетті. Олар мүлдем улы емес, жууға болмайтын косметика үшін рұқсат етілген концентрацияда аллергиялық реакциялар мен терінің тітіркенуін тудырмайды. 

Ең жоғары рұқсат етілген концентрация 1%. Бұл концентрацияда 100 қор коэффициенті бар. Бұл токсикологиялық термин 50% жағдайда терінің тітіркенуін алу үшін, 1%   максималды дозаны 100 есе арттыру керек дегенді білдіреді. Біздің косметикада препаратқа байланысты парабендердің құрамы 0,1-ден 0,5%-ға дейін. Яғни, рұқсат етілген ең жоғары дозадан 50 есе аз.

Парабендердің канцерогендер екендігі туралы мәлімдеме бірнеше жыл бұрын бір американдық ғылыми басылымда пайда болды. Олардың зерттеушілері сүт бездерінің қатерлі ісік жасушаларынан парабендерді тапты. Құрамында парабендер бар дезодоранттар сүт безінің қатерлі ісігін тудырады деген асығыс қорытындыға келді.

Бірнеше айдан кейін олар өздерінің мәлімдемесін жоққа шығарды, өйткені қосымша зерттеулер парабендер қатерлі ісік тудырмайтынын және обыр клеткалары парабендерді жинақтай алатындығын көрсетті. Атап айтқанда: парабендер зақымдалған жасушаларда жиналады және қатерлі ісік ауруының негізгі себебіне ешқандай қатысы жоқ. 

Мәселе мынада, парабендердің зияны туралы мәлімдемені барлығы естіді, бірақ не себепті екені белгісіз, ол теріске шығарылған жоқ.

Айтпақшы, бензой қышқылы табиғатта барлық жерде кездеседі. Мысалы, итбүлдірген жидектерінде бұл біздің кремге қарағанда көп. Сондықтан жібітілген итбүлдірген термиялық өңдеусіз-ақ ұзақ уақыт бойы сақталады. Егер Сіз парабендер зиянды деп ойласаңыз, онда мүкжидектерді рационнан шығарыңыз – өйтені дәл осы мүкжидектің құрамында парабендер синтезделетін бензой қышқылы бар. Сондай-ақ, құрамында парабендер жоқ, басқа компаниялардың кремін пайдалана бастаңыз, бірақ оларда озокерит, церезин және басқа да теріге «пайдалы» мұнай өнімдері бар.