Faberlic компани нь зөвхөн шууд борлуулалтын аргаар бүтээгдэхүүнээ борлуулна. Жижиглэн худалдааны сүлжээ, Интернэт дэлгүүрээр (Faberlic Компанитай зөвшилцсөнөөс бусад тохиолдолд) барааг борлуулахыг хориглоно.

Энэхүү журмыг зөрчсөнтохиолдлыг (дүрс бичлэг эсвэл гэрэл зургаар) баримтжуулж болно гэдэгт анхаарлаа хандуулна уу.

1. Хэрвээ Нийт борлуулалтын хөнгөлөлт нь захиалгын дүнгийн 65%-иас доош байгаа тохиолдолд хувийн захиалгын төлбөрийг хийх үед түүний үнийн дүнг анхны үнийн дүнгээс 35% хүртэл бууруулж болно. Нийт борлуулалтын хөнгөлөлт нь барааны үнийн дүнгийн 65%-иас давсан тохиолдолд үлдсэн хөнгөлөлтийг дараагийн захиалгуудын төлбөрийг хийх үед ашиглах боломжтой.  

2. Бараа олгох цэг (БОЦ)-ийн нутаг дэвсгэр дээр бүтээгдэхүүнийг чөлөөтэй борлуулахыг хориглоно. БОЦ-ийн нутаг дэвсгэрт савлагаагүй бүтээгдэхүүнийг хадгалж болохгүй («Загвар» эсвэл «Тестер» тэмдэглэгээ бүхий загвар ба тестерээс бусад).

Журмыг зөрчсөн тохиолдолд хүлээлгэх хариуцлага:

• БОЦ-ийн нутаг дэвсгэр дээр жижиглэнгийн борлуулалт хийгдсэн зөрчил анх удаа илэрсэн тохиолдолд тухайн зөрчил илэрсэн сарын Агентын урамшууллын 50%-ийг БОЦ эзэмшигчээс суутгаж авна.
  
  
• БОЦ-ийн нутаг дэвсгэрт жижиглэнгийн борлуулалт хийгдсэн зөрчил давтан илэрсэн тохиолдолд тухайн зөрчил илэрсэн сарын Агентын урамшууллын 100%-ийг БОЦ эзэмшигчээс суутгаж авна.
  
  
• Тухайн дутагдал гуравдахь удаагаа илэрсэн тохиолдолд Охин компанийн зүгээс БОЦ эзэмшигчтэй байгуулсан гэрээг цуцална.

Компанийн төлөөлөгчид нь эдгээр журмыг (Faberlic-ийн бүтээгдэхүүнийг борлуулахтай холбоотой) сахин мөрдөж буй эсэхийг шалгах зорилгоор БОЦ-ийн нутаг дэвсгэрт төлөвлөгөөт болон төлөвлөгөөт бус шалгалтуудыг явуулж, гэрэл зураг авч, дүрс бичлэг хийж болно.

3. Бүтээгдэхүүнийг үзүүлэнгийн шилэн хоргонд байрлуулж борлуулах эсвэл бөөний болон жижиглэнгийн худалдааны аливаа цэгүүдэд (тэдгээрийн дотор дэлгүүр, зах, лангуу, мухлаг г.м) ба интернэт дэлгүүрээр (Faberlic Компанитай зөвшилцсөнөөс бусад) хязгааргүй тооны хүмүүсийн хүрээлэлд санал болгох замаар борлуулахыг хориглоно. Хэрвээ БОЦ нь худалдааны төвд байрлаж байгаа бол зөвхөн тухайн БОЦ-т орсны дараа харагдах боломжтой байдлаар шилэн хоргыг байрлуулна.

Журмыг зөрчсөн тохиолдолд хүлээлгэх хариуцлага:

• Борлуулалт хийж буйг нотлох баримт анх удаа илэрсэн тохиолдолд Зөвлөхийн бүртгэлийн дугаарыг бүтцээс хасах бөгөөд хасагдаж буй дугаарын мэдээллийг хадгалахгүй, харин түүний Захиралд сануулга өгнө.
• Өмнө нь сануулга авсан Захирлын бүтцэд зөрчил давтагдан илэрсэн тохиолдолд Нийт борлуулалтын хөнгөлөлтийн 100%-тай тэнцэх хэмжээний торгуулийг Захиралд ногдуулна. Цаашдаа Захирлын цолыг хураах, түүний бүх давуу эрхийг хүчингүй болгох арга хэмжээг авах ба түүнчлэн Компанийн мэдээллийн сангаас Захирлыг (Захирлын эрэмбээс үл хамааран) хасаж болно. Тухайн асуудлаарх шийдвэрийг нутаг дэвсгэрт нь Захирал ажиллаж буй Охин компани гаргана.

4.  Хэрвээ бүтээгдэхүүний үнэ нь каталогийн үнээс доогуур байвал бүтээгдэхүүнийг интернэт дэлгүүр ба Зөвлөхүүдийн цахим хуудсаар дамжуулан борлуулахыг хориглоно.
Компанийн зүгээс баталгаажуулаагүй, сайт эзэмшигчийн санал болгож буй бэлэг, хөнгөлөлт, урамшуулалт саналын талаарх мэдээллийг нийтлэхийг хориглоно

Журмыг зөрчсөн тохиолдолд ногдуулах хариуцлага:

• Жижиглэнгийн борлуулалт хийсэн зөрчил анх удаа илэрсэн тохиолдолд Зөвлөхийн (сайтыг эзэмшигч) бүртгэлийн дугаарыг Компанийн бүтцээс хасах ба хасагдаж буй дугаарын мэдээлэл хадгалагдахгүй ба тухайн Зөвлөх ажиллаж буй бүс нутгийн Захирлын зүгээс Зөвлөхийн дээд талын Захиралд сануулга өгнө.
• Өмнө нь сануулга авсан Захирлын бүтцэд зөрчил давтан илэрсэн тохиолдолд Нийт борлуулалтын хөнгөлөлтийн 100%-тай тэнцэх хэмжээний торгуулийг Захиралд ногдуулна. Цаашдаа Захирлын цолыг хураах, түүний бүх давуу эрхийг цуцлах болгох арга хэмжээг авах ба түүнчлэн Захирлыг (Захирлын эрэмбээс үл хамааран) Компаниас хасаж болно. Тухайн асуудлаарх шийдвэрийг нутаг дэвсгэрт нь Зөвлөх ажиллаж буй бүс нутгийн Захирал гаргана.

5. Үзэсгэлэн болон сурталчилгааны арга хэмжээний(хязгаарлагдмал хугацаанд зохион байгуулагдаж буй) үеэр Зөвлөхийн гүйцэтгэж байгаа ажил нь жижиглэнгийн борлуулалтанд хамаарахгүй.

Зөвлөх нь үзэсгэлэнд оролцох зөвшөөрлийг нутаг дэвсгэрт нь уг арга хэмжээ явагдаж байгаа Охин компанийн хариуцлагатай менежер эсвэл захирлаас авах ёстой. Ийм арга хэмжээний үеэр Зөвлөх нь Компанийн ёсзүйн дүрмийн дагуу үйлчлүүлэгчидтэй харилцана.